MARTA VIEIRA DA SILVA AWEKA REKODI YA KUPACHIKA MABAO KOMBE LA DUNIA

Firmino atua Liverpool

Klabu ya Liverpool imekamilisha usajili wa mchezaji wa Hoffenheim Roberto Firmino kwa ada isiyofahamika, huku akitegemea kufanyiwa vipimo vya afya. Mkurugenzi wa Liverpool Ian Ayre alielekea Chile kwa ndege, ambako Firmino anashiriki mashindano ya Copa America ili kumalizia usajili huo unaosadikika kuwa umegharimu euro milioni 40. Baada ya mashindano hayo kumalizika, mchezaji huyo atafanyiwa vipimo vya afya.

Jara aoneshwa mlango wa kutokea baada ya kuchafua hewa

Baada ya kumfanyia mambo machafu mchezaji wa Uruguay Edinson Cavani, mchezaji wa klabu ya Mainz Gonzalo Jara ameambiwa na klabu yake kuwa haitovumilia kitendo hicho na anaweza kutimka klabuni hapo mara tu ofa yoyote itakapopatikana.

Real Madrid yakataa ofa ya Man Utd

Real Madrid wametaa dau la kwanza lililotolewa na klabu ya Manchester Utd kwa ajili ya kumpata beki wa kati wa klabu hiyo Sergio Ramos. Miamba hiyo ya Hispania imepanga kumuuza beki huyo kwa dau la pauni milioni 64 na haitahusisha usajili wa kipa David De Gea kama klabu ya Manchester Utd ilivyokuwa ikihitaji.

Pogba kutua Man City kabla ya Sterling

Manchester City wanataraji kukamilisha usajili wa kiungo mfaransa Paul Pogba. Usajili huo unatazamiwa kukamilika hata kabla ya usajili wa winga wa Liverpool Raheem Sterling.

Cech ndani, Ospina nje Arsenal

Klabu ya Arsenal inaweza kumuuza golikipa wake David Ospina licha ya kufanya vema mzunguko wa pili wa msimu uliopita. Klabu ya Fenerbahce imeonesha nia kubwa ya kumuwania kipa huyo huku kipa aliyeonekana kusuasua mara kwa mara Wojciech Szczesny akitegemewa kuwa msaidizi wa Petr Cech.

Prev Next

MARTA VIEIRA DA SILVA AWEKA REKODI YA KUPACHIKA MABAO KOMBE LA DUNIA

Unknown Wednesday, 10 June 2015

Mshambuliaji wa timu ya taifa ya wanawake ya Brazil Marta Vieira da Silva maarufu kama Marta ameweka historia ya kuwa mfungaji bora wa michuano ya kombe la dunia la wanawake baada ya kufikisha mabao 15.

Marta mwenye umri wa miaka 29, amefikisha idadi ya mabao hayo baada ya kufunga bao moja kwa mkwaju wa penati kwenye mchezo wa timu yake dhidi ya korea kusini ambapo Brazili waliibuka kidedea kwa ushindi wa mabao 2-0.

Ushindi huo umeifanya Brazil kuwa vinara wa kundi E, Baada ya Hispania na Costa Rica kwenda sare ya kufungana 1-1.

Mshambuliaji huyu ameichezea timu ya taifa jumla ya michezo 137 akiwa kafunga mabao 93. Kwa sasa Marta ni mchezaji wa klabu ya Rosengard FC ya Sweden.

KONA YA MICHEZO

Firmino atua Liverpool

Jara aoneshwa mlango wa kutokea baada ya kuchafua hewa

Real Madrid yakataa ofa ya Man Utd

Pogba kutua Man City kabla ya Sterling

Cech ndani, Ospina nje Arsenal

MARTA VIEIRA DA SILVA AWEKA REKODI YA KUPACHIKA MABAO KOMBE LA DUNIA

0 comments:

Post a Comment

Popular Posts

Blogger templates

Labels

Total Pageviews

Sponsors

Find Us On Facebook

Contact Form

Subscribe

Followers

Blog Archive

Blogger news

Blogroll

About