YALIYOMKUTA CAVANI DHIDI YA CHILE YAMESABABISHWA NA MENGI...

Chile imefanikiwa kutinga hatua ya nusu fainali ya Copa America baada ya kuichapa Uruguay 1-0, lakini mapema kipindi cha pili mshambuliaji wa PSG na Uruguay, Edinson Cavani alitolewa nje kwa kadi nyekundu kutokana na kumpiga Gonzalo Jara.

Awali Cavani alikuwa ameoneshwa kadi ya njano.
Akicheza huku akifikiria tukio la baba yake kumgonga mtu mpaka kufa na gari alilokuwa akiendesha akiwa amelewa, Jara alimuongezea uchungu zaidi baada ya kumuingizia kidole…….(Angalia picha juu).
Cavani mwenye miaka 28 alichukizwa mno na kitendo hicho na kuamua kumpiga mpinzani wake ili kutoa kidole hicho.



Tukio linalofanana na hili liliwahi kufanywa msimu uliopita wa ligi kuu soka Tanzania bara na mlinzi wa Mbeya City, Juma Nyosso dhidi ya mshambuliaji wa Simba, Elius Maguri.
Nyosso alifungiwa mechi nane baada ya kubainiki kufanya kosa hilo siku kadhaa baadaye na yeye mwenyewe kukiri huku akiomba radhi.