MAN UTD YAMUWANIA NAVAS NA GAITAN, PEDRO ATAMANI KUJIUNGA PSG, R.MADRID IMEGONGA HODI KWA CASILLA...

Firmino atua Liverpool

Klabu ya Liverpool imekamilisha usajili wa mchezaji wa Hoffenheim Roberto Firmino kwa ada isiyofahamika, huku akitegemea kufanyiwa vipimo vya afya. Mkurugenzi wa Liverpool Ian Ayre alielekea Chile kwa ndege, ambako Firmino anashiriki mashindano ya Copa America ili kumalizia usajili huo unaosadikika kuwa umegharimu euro milioni 40. Baada ya mashindano hayo kumalizika, mchezaji huyo atafanyiwa vipimo vya afya.

Real Madrid yakataa ofa ya Man Utd

Real Madrid wametaa dau la kwanza lililotolewa na klabu ya Manchester Utd kwa ajili ya kumpata beki wa kati wa klabu hiyo Sergio Ramos. Miamba hiyo ya Hispania imepanga kumuuza beki huyo kwa dau la pauni milioni 64 na haitahusisha usajili wa kipa David De Gea kama klabu ya Manchester Utd ilivyokuwa ikihitaji.

MANCHESTER UTD-KEYLOR NAVAS:

Manchester United inamtegemea mlinda mlango wa klabu ya Real Madrid Keylor Navas kuwa sehemu ya makubaliano ya kumuuza David De Gea kwa klabu ya Real Madrid, ingawa usajili wowote hauna uhusiano na Sergio Ramos kwani mashetani wekundu wana mpango wa kumshusha beki huyo wa kati klabuni hapo.

Chanzo: Marca
Alhamisi, 7/9/2015 12:41

REAL MADRID-NICOLAS OTAMENDI:

Real Madrid imekata tamaa ya kumpata mlinzi Nicolas Otamendi kwasababu wanaamini kuwa mlinzi huyo wa klabu ya Valencia amekubali kujiunga na klabu ya Manchester United.

Chanzo: Daily Mirror
Alhamisi, 7/9/2015 12:31

PSG-PEDRO RODRIGUEZ:

PSG wanategemea kumnasa mchezaji wa Barcelona Pedro Rodriguez. Mshambuliaji huyo anampango wa kutimka klabuni hapo kutafuta nafasi katika kikosi cha kwanza mahala pengine na atafurahi kama atajiunga na PSG.

Chanzo: Marca
Alhamisi, 7/9/2015 12:08

REAL MADRID-KIKO CASILLA:

Real Madrid wanategemea mpango wao wa kumpata mlinda mlango wa Manchester United David De Gea utaendelea vizuri mpaka siku za mwisho za dirisha la usajili. Miamba hiyo ya Hispania inajipanga kumsajili Kiko Casilla kutoka Espanyol kwa ajili ya kuwa na mlinda mlango katika michezo ya maandalizi ya msimu.

Chanzo: Daily Mirror
Alhamisi, 7/9/2015 11:50

MANCHESTER UTD- NICO GAITAN:

Manchester United wapo tayari kutoa pesa pamoja na wachezaji Rafael au Javier Hernandez baada ya kuanza mazungumzo ya kumnasa Nico Gaitan. Hata hivyo mashetani wekundu watamuhitaji mchezaji huyo wa Benfica endapo watamuuza Angel Di Maria.

Chanzo: A Bola
Alhamisi, 7/9/2015 11:10